Musuka haur eskolan biziko garrantzia ematen diogu ADIMEN EMOZIONALA-ri, hortaz gure heziketa proiektuan integraturik dago. Era berean, hezkuntza proiektua eskolaren adin ezberdinetako talde ezberdinetara moldatuta dago.

Orain arte egindako ikerketek erakutsi bezala, haurren hezkuntza integrala lortzeko, lan eremuak finkatzea ezinbestekoa da. Eta honek, kreatibitatea, organizazioa, harremanetarako gaitasuna, besteenganako jarrera positiboak eta bestelako jarrerak lantzea dakar aldi berean.

Jolasean dabilen haurra, haur zoriontsua da. Bere barne mundua aditzera ematen duena, bere burua ezagutzen hasten duena. Jolasa estimulagarria da haurrentzat, era aktiboan egotea, imajinazioa eta besteenganako harremanak lantzea eragiten die. Bizitzeko beharrezkoa dugun oreka eskaintzen die. Hau horrela izanda, Musuka haur eskolak bere proiektua jolasean oinarritzen du bai garapen afektiboa, soziala, emozionala eta kognitiboa lortzeko.

Adimen emozionala lantzen denean pertsona guztion gaitasunetaz ohartzea da gauzarik garrantzitsuena eta abiapuntu honetatik abiatzea. Adimen emozionala duen pertsonak bere eta besteen emozioak aztertzeko, adierazteko, erregulatzeko, kontrolatzeko eta zuzentzeko gai da, egoeretara adaptatzeko, helburuak lortzeko eta norberarekin pozik egoteko.